هناك قبر زهير

من دار عبس المجد و ديار الاجد= يامرحباً با الضيف يا مرحبابه
على الشحم والهيل با دلال بغداد=بأعلى عوالى نجد من حد لابه
داراً ورثناها من اجداد لأحفاد=النابها قوةوعزومهابه
داراً الها قصه وتاريخ وأمجاد=كم ابلجاً دونه قصرنا شبابه
هناك قبر زهير مالك وشداد =وهناء رشيد الزول نوخ ركابه
يومن رزق الناس بطراد وجهاد=قوماًعلى قوماً تشن الحرابه
هناء سباق الخيل وأمجاد تنقاد=وفيها أسوداً بالفعايل تشابه
قوماً الهم فى غرت المجد معياد =افعولهم صارت وكلاً حكابه
وكانك بغيت العلم من روس الاشهاد =انشدويحضرلك فصيح الخطابه
خبار قوماً ماضيه تحت الا الحاد=عساء الوالي يمطر عليهم سحابه
اخبار عزاً بين راوي ونشاد =ورسوم قوماً فى عوالي هضابه
الهم بدرب المجد مصدر وميراد=والسيف عزه من مقابض نصابه
بني رشيد اللي الها المجد ينقاد=ريف الخوي والجار عزوحبابه
وان غطرفاً اللى يكدن الاجعاد=حنا دواء للخصم حنا عذابه
وحنا سهوم الموت للموت وراد=لاكلح البرطم وشاهدت نابه
عدونا نسقيه من سم الاكباد=وبعيونا يصغربحجم الذبابه

الشاعر :سلمان عوض ابن سحمان الرشيدي