لو الثرى يعلم بـ مقدار واطيه !!

نادى على كل الغلا قلت لبيه=لبيه عن كل الغلا بالنيابة
لا تزعجه بالله يا اللي تناديه=اخشى عليه تكلفه بالاجابة
ناديت لك حي ٍ لو بروحي افديه=ما هو كثير بحق حضرة جنابه
خله بحاله و الذي فيه كافيه=ما قصرت سود الليال بعذابه
لو كنت مثلي مغرم و ميت ٍ فيه=قريت حزنه بالعيون و عتابه
لا تسأله عن كل شي ٍ يسويه=خله على كيفه يسلي شبابه
لو كان ما باقي له اللي يسليه=الا حروف ٍ تحتضر في غيابه
كتبتها من عمق الاحساس اناجيه=و يا كثر ما خانت قلمي الكتابة
وشلون اعبر له عن اللي له اخفيه ؟=لو كان بالتعبير عندي رحابة
لعل يفداه القصيد و قوافيه=شعر ٍ ما يكتب فيه وش ينبغا به
لا صار هو نبض القصيد و معانيه=و حب ٍ نشا وسط الفؤاد و ربا به
و هو الغرام اللي دلهت بروابيه=و نهر الوداد اللي لذيذ ٍ شرابه
و هو اول الحب الحقيقي و تاليه=لين ان جثماني يوارى ترابه
مستقبل العمر المولي و ماضيه=و من دونه الدنيا سواة الخرابة
الغالي اللي كبر بعيون مغليه=لين ان غيره صار كبر الذبابة
اكبر من أحد ٍ بعيني يساويه=و اكبر من ان أحد ٍ يجي له مشابه
وش قدر ربات البها لو تباريه ؟=ليا حضر محد ٍ بقى له مهابة
اشتاق اشوفه و التقي به و احاكيه=و امشي بدرب ٍ مر فيه و مشى به
لو الثرى يعلم بمقدار واطيه=نبتت على دربه من الورد غابة
و نبتت طواليع الربيع بمواطيه=و لو تنبع الانهار ما من غرابة
و لو ينكشف لليل خد ٍ مغطيه=شتت دياجيره بنور ٍ بدا به
حتى البحر يقدر حبيبي يحليه=لو خالطه شهد ٍ نزل من عذابه
جميل و اجمل من جماله مباديه=و طبع ٍ عن الاشياء الردية رقا به
ما دام حبه وسط قلبي مدفيه=لو هب برد الشبط ما احسب حسابه
و لو غاب طول العمر ما غاب طاريه=من قلبي لعيني ذهابه و إيابه
الله ينساني ليا صرت ناسيه=حتى لو أيّـست و قطعت الرجا به

كلمات / معيبد الرشيدي

لـــو الـثــرى يـعـلـم بـمـقـدار واطـيــه *** نبتـت علـى دربــه مــن الــورد غـابـة


معيبد أنا أشهد بأنك شاعر فحل قصيدة متماسكة ومحكمة البناء نظمت فشبهت فأبدعت

إعجابي بقصيدك الجميل ....... دون هذه السطور ...... كن دوماً هنا ....... ودمت بحفظ الله

صح لسانك على هذه الابيات الرائعه


تحياتي لك

	ابن حوقان شهادة أعتز بها منك يا الغالي ، شكرا لك على هذا الاطراء الجميل ، تحيتي لك .

ساق

صح بدنك ، لا هنت على مرورك الرائع ،

تـقبل مني أرق تحية .

اقتباس:المشاركة الأصلية كتبت بواسطة معيبد الرشيدي

نادى على كل الغلا قلت لبيه=لبيه عن كل الغلا بالنيابة
لا تزعجه بالله يا اللي تناديه=اخشى عليه تكلفه بالاجابة
ناديت لك حي ٍ لو بروحي افديه=ما هو كثير بحق حضرة جنابه
خله بحاله و الذي فيه كافيه=ما قصرت سود الليال بعذابه
لو كنت مثلي مغرم و ميت ٍ فيه=قريت حزنه بالعيون و عتابه
لا تسأله عن كل شي ٍ يسويه=خله على كيفه يسلي شبابه
لو كان ما باقي له اللي يسليه=الا حروف ٍ تحتضر في غيابه
كتبتها من عمق الاحساس اناجيه=و يا كثر ما خانت قلمي الكتابة
وشلون اعبر له عن اللي له اخفيه ؟=لو كان بالتعبير عندي رحابة
لعل يفداه القصيد و قوافيه=شعر ٍ ما يكتب فيه وش ينبغا به
لا صار هو نبض القصيد و معانيه=و حب ٍ نشا وسط الفؤاد و ربا به
و هو الغرام اللي دلهت بروابيه=و نهر الوداد اللي لذيذ ٍ شرابه
و هو اول الحب الحقيقي و تاليه=لين ان جثماني يوارى ترابه
مستقبل العمر المولي و ماضيه=و من دونه الدنيا سواة الخرابة
الغالي اللي كبر بعيون مغليه=لين ان غيره صار كبر الذبابة
اكبر من أحد ٍ بعيني يساويه=و اكبر من ان أحد ٍ يجي له مشابه
وش قدر ربات البها لو تباريه ؟=ليا حضر محد ٍ بقى له مهابة
اشتاق اشوفه و التقي به و احاكيه=و امشي بدرب ٍ مر فيه و مشى به
لو الثرى يعلم بمقدار واطيه=نبتت على دربه من الورد غابة
و نبتت طواليع الربيع بمواطيه=و لو تنبع الانهار ما من غرابة
و لو ينكشف لليل خد ٍ مغطيه=شتت دياجيره بنور ٍ بدا به
حتى البحر يقدر حبيبي يحليه=لو خالطه شهد ٍ نزل من عذابه
جميل و اجمل من جماله مباديه=و طبع ٍ عن الاشياء الردية رقا به
ما دام حبه وسط قلبي مدفيه=لو هب برد الشبط ما احسب حسابه
و لو غاب طول العمر ما غاب طاريه=من قلبي لعيني ذهابه و إيابه
الله ينساني ليا صرت ناسيه=حتى لو أيّـست و قطعت الرجا به

كلمات / معيبد الرشيدي

الله الله

الله

الشاعر المبدع معيبد أثرت الشجون بهذه القصيدة الشجية

قرأتها فلم تهدأ الهواجيس إلا بعد أن لحنت هذه القصيدة بالمواويل

سجل اعجابي بقصيدك العذري العفيف

صح لسانك واعتلاء شانك مدد بلا عدد 0 قصيده جزله

من راس شاعر جزل بيض لله وجهك يامعيبد علي هذه

القصيده الشامخه 0 وسجل اعجابي بقصائدك الفريده

تحياتي وتقديري لك

معيبد الرشيدي
صح لسانك واعتلى شانك وبيض الله وجهك على هذه القصيده الرائعه جداً

لك مني جزيل الشكر