القصيدة الفايزة بالمركز الاول

بسم الله الرحمن الرحيم

هذي القصيدة بالشيخ سعدون بن عابس بمناسبة زواج ابنه

نطلب الله كل وقت وكل حين=رحمته ورضاه عنا والسماح
الحكيم الحاكم العدل العظيم=استغيثه في مساي وفي الصباح
ما على الدنيا حسوف ولا ملام=ليا استبد الكيل والكف استباح
والتحية للحظور وللعريس=واطلب المعبود يرزقه الصلاح
نادرٍ من ماكر المجد الرفيع=والسعد والعز بصقور الفلاح
من بني قعبوب سمحين النحور=اهل التوحيد ورجال الكفاح
واهل المعروف والراي الرشيد=وطيبين السلم صبيان المداح
والكرم والطيب بعيال الصويب=مشترينه بالجميل وبالسلاح
واهل التاريخ والفعل القديم=قبل عصر العولمة والانفتاح
مكرمين الضيف يوم الضيف ضيف=ومشبعين بفعلهم علط الرماح
والخواطر بالكلام وبالقصيد=ترسم احساس المشاعر بانشراح
ماخذيت الراي فيها من غشيم=ولا موردها على عدٍ ضحاح
ولا بنيت الا على ساسٍ عزيز=ولا نهلت الا مزلالٍ قراح
جيت اشارك واتشرف بالحظور=عند شيخٍ لابسٍ طيبه وشاح
بيض الله وجه سعدون ورعاه=راعي الفزعات مشهود النجاح
الحمية فيه والمعروف فيه=جعل تفداه الهلابيس الشحاح
وان رجعنا للحقايق والاكيد=والكلام الجرز والصدق البراح
فزعته ماقد شفتلها مثيل=الا فزعة بن سعود لعيال الصباح

صح لسانك قصيده مميزه
وتستاهل المركز الاول
تقديري واحترامي لك*

ابو سلطان عزالله تستاهل التقييم والتثبيت شاعر بدون منازع
صح الله السانك والقصيده مركزها الاول دون جدال تحياتي لك

صح لسانك واعتلا شانك يا الشاعر العذب ...

صح لسااانك ملايييين

ماشاءالله على القصيدهـ وصح لسانك ياابو سلطان
ننتظر جديدك
تحياتي لك