محاوره دحيم الخياري وحبيب العازمي بحائل الاخيره

دحيم
عند شيخن عزيز وعالين منزله==مرحبا بالطراقي والضيوف الكرام
ياحبيب سمعت الموجز امن اوله==ياعسى الفعل مايطلع بعكس الكلام
حبيب
عند شيخن دعا الداعي وانا جيتله==البقاء عقب رحبتم ورد السلام
اعتقد باقين فالمشكله مشكله==حللوها حلال وحرموها حرام
دحيم
لاتدورعسل من شجرة الحنظله==لوسقوها من الماء العذب تسعين عام
كم سنه نزهمك واسموعك امقفله==انت صاحي مع الصاحين والا النيام
حبيب
شربتن في قليب وتمرتن بنخله==ماسقت واردين ولا تفطر صيام
جيت هالحين واللي في ضميرك قله==انت مامن شغل وانا ورايه دوام
دحيم
قولن بلا فعل ياعبس مانقبله==لويقول ابن عياد وزميله تمام
الله ارسل عليكم رسله المرسله==لاتسابق ياروقي بالصلاه الامام
حبيب
الخطا ماله الا السيف والسلسله==والدعاوي نسيرها على مايرام
انت مانته بجاين بايتن منزله==لاتصل العشاء بعد صلاة القيام
دحيم
كم ولد يعتزي واكلها امفلفله==لويقول ان ابوه ذياب شيخ الجهام
ارقدوا لين نقراء سورة الزلزله==واشعلوا ناركم ونقول برد وسلام
حبيب
اول الزرع يطلع سنبله سنبله==واخر الزرع مايقفاه غير الصرام

بيض الله وجهك يابو بيان

محاورة من الوزن الثقيل

لاهنت اشكرك على هذا النقل المميز