الشيخ والله من حكم في نجد بالحكم التمام

سجيتها مع كل درب ولا لقيت الا الكلام=ناسآ تنومس بالكلام ولا تسر فعولها
هذا ولد شيخ الرجال فلان كساب الجهام=وامه بعد بنت الرجال اللي تعن خيولها
في هالزمان اللي طلع لاثور في عصره سنام=وفيه المره قامت مكانات الرجال أطولها
تجلس على كرس الحكم ولها عن الرجل احترام=وتحكم بلد كامل ولا تسوى رجال نعولها
وين الرجال اللي تفي قول وفعل وابنا الكرام=اللي مثبتن مواقفها و صدق فعولها
ياوقت ياليل الظلام اللي تزايد بالظلام=وقت الرجال اللي على الخيبه تدق طبولها
في كل عام(ن)طالع(ن)بالشعر بالساحه خمام=يسلخ ويذبح في فعول يموت ماجا حولها
ويدور الشهر من علوم انذاله والملام=ولاخاف ربه والفتن دايم منها منقولها
اللي مثل فعل الثعل بالفعل ملعون الرحام=يلف ذيله والذيابه ماتلف ذيولها
وقت(ن)به الذيب انقرض والصيد ماغير الحمام=وحتى الارانب فيه ذهبت ونمحن دحولها
ماعاشبه غيرالثعل والنذل وضراب الاحرام=اللي اوامرها تنفذ لاوصل مرسولها
الشيخ والله من حكم في نجد بالحكم التمام=وخلا الكرامه والمعزه ماتكف سيولها
وخلا لها القران دستور المحاكم والنظام=وخلف لها عيالن عسا الله مايغيب زولها
عبدالعزيزاللي عسايالله في شهرالصيام=تفتح له الجنه جميع ابوابها وقفولها

صح لسانك واعتلاء شانك ياخليف الوهيداني 00 قصيدة جزله من راس شاعر جزل

بيض الله وجهك 00 سجل اعجابي ولا تحرمنا من جديدك 00 وكل عام وانت بخيـــــر

تحياتي وتقديري لك

صح الله لسانك وبيض الله وجهك يابو فيصل على ماتفضلت به بارك الله فيك


وسجل اعجابي بماكتبت


تحياتي لك

صح السان الشاعر خليف الوهيداني وهذا هو يقول في زمن حن عائشينه وفيه تقل المصداقيه

وكثر في الكلام وصارت الشيوخ لاتعد ولاتحصى وانمحى سجل الرخوم وهذا بفضل الله وفضل امننا

اتمه الله علينا بيض الله وجهك يابو فيصل تحياتي لك وتقديري

صح لسانك واعتلاء شانك ياخليف الوهيداني 00 قصيدة جزله من راس شاعر جزل
لا تحرمنا من جديدك

صح لسانك وبيض اللة وخهك

قصيدة وافية ياوافي

صح السانك