مـنــوعـات الـنــايــف ...!!!

(1)

لا هنت ياوقت الشقا .. حيل لا هنت ...!
لو أن .. مافيني .. لـ الأوجـــاع .. طاقه ......!!
شربت من كأسك ألم إلين آمنت ......!
أن الوفاء هالوقت .. [أكبر .. حماقه] ......!!
مالنت .. لكن للحزن لـ الأسف لنت ..!
وأكبر جروح القلب .. جرح الصـــداقه .......!!
عادي أبرحل وأعتبرني .. ولا كنت ..!
مني لـ قلبك .. 1000 وردة وباقه ............!!
ياوقت أشهد إني ماشي .. ولا خنت .!
وافي معه .. حتى .. بــ لحظة .. فراقه .......!!

(2)

علمتك القلب الوفي .. ما يخذلك فيـه " إنتمـاء "
وعلمتني كيف العشم في مـن تحبـه .. يخذلـك !!..
علمتك إن أصل الهوى يرجع لـ كلمـة " إحتـواء "
وعلمتني إن الهوى ,, مـا عـاش يـوم بــ داخلـك !..
علمتك إنِّي لك بحر ,, [ مـدَّه وجـزره ] لـك وفـاء !
وعلمتني كيف أنصدم وأغرق أنـا فـي .. ساحـلـك !
لا صار قلبي لك وطن .. أبسألك وين الولاء ..؟
وشلون حال المملكه ؟ - دام الخيانه من ( ملك ) !..

(3)

إي والله إني وصلت لـ ساحلك بدري ..!
شف هـ الخطاوي .. لها .. أيام .. مرسومه ...!!
وش سبـّـة الجرح والله يابحر مدري ...؟؟
والضيقة اللي لها .. " عامين " .. مكتومه ....!!
ماكدّر الخاطر ... وضيّـق صدري .........!
إلا .. الوداع الحزين .. وجملة .. همومه .......!!
وأقرب حبايب خفوقي .. ( لآنوى غدري )
قل له إذا جاك بعد سنين .. " معلـــومه " ....!!
يطيح دمعي .. ولكن .. ( مانقص قدري)
(دمعة وفا ) لـ الرفيق إن طاحت سهومه .....!!
نعيش بكرا ..؟؟ .. ولا واحد .. بنا .. يدري
حيث المنايا .. مع الأرزاق ... مقسومه .....!!

(4)

على ذاك الجدار اللي على حد البيوت الطين
وقفت وهاجس الذكرى نفض عن قلبي غبـاره
وفي ذاك المكان أثبت بان الادمي من طين
تخـــــيل يوم لامــــــسته تــــنهد من شقا نــاره
سألــني و قال: انــا اذكر تجــــوني من زمان اثــــنين
بكــــيت وقـــلت صدقـــني رحل وانقطــعت اخباره

(5)

اذكر اني لانسيت اني نسيتك اذكرك ...
لي خفوقآ مايطاوع لو بغيت انسى غلاك
اجمعك في خفوقي وفي خفوقي انثرك ...
لك محب(ن)لو نساه الوقت ماوالله نساك
انت ياللي كل مابك يشبه اكثرك ....
والمعنى عاش غربه من عرفك ومن هواك
بين (وهم) وبين جد وبين ليلآ اسهرك..
وبين تفكير ومواجع انتهي في مبتداك
بين شمس وبين (في) وبين خوفي اخسرك
تعتذر ! لاااااتعتذر فات عذرك مع رجاك
اعذرك؟! لااا ماعذرك كيف تبغا اعذرك
شف غلاك بوسط قلبي وش تجافيك وخطاك

(6)

وينك ترى بالحيل طول غيابك!؟
وينك ترى في غيبتك خاطري ضاق..
افرح بقربك واهتني مع جنابك..
صدك وبعدك محرقن قلبي احراق..
ياما جلست من الغلا عند بابك..!!
اشكي جروحي وشتكي ليه الأفراق..
عطني سبب واحد يبرر ذهابك..
إلى متى غايب وجرحي بالاعماق..

(7)

ودي أحطب لك ضلوعي وادفيك
وألحفك بالرمش لاصرت بردان
اسكنك في عيوني ان كان يرضيك
وتصير عيني لك وطن مثل الأوطان
واضمك لصدري غلالين يرويك
عذب الحنان اللي فقدته زمان
واعطيك عمر جايك اليوم يهديك
اجمل محبه ضمة انسان لإنسان
القلب تسكن فيه وحدك ويرجيك
انك تعيش داخله وينسيك الأشجان

(8)

شوف من غيرك حياتي , مو حياتي
ولا تظن في دنيتي بعدك .. ( حياه )
ودِّي أسمع من لسانك : يا غلاي
وإلا ... [ قلبك يا حبيبي وش بلاه ]
أفقدك بالحيل .. يا نفسي وذاتي
وأعشقك يا ليل .. يسعد لي مساه
أجمعك في داخلي .. وأنثر شتاتي
وأسعدك .. والقلب به مليووون | آآه |
في غيابك .. شي أكيد إنِّي أحاتي
قلبي يمشي , [ وتركض أحزانه ورااه ]
صارت الدمعه تسولف عن شفاتي
وقلب ظامي ( غيبتك ) سبَّه ضماه
جيت لك ولهان وفي إيدي وصاتي
وقلب ميّت فيك .. شاركني | عزاه |
من غلاتك جيت .. وإلا مو صفاتي
يعني لو غيرك مشى .. [ الله معاه ]

(9)

جيتك ارهقني الدرب الطويل القصير
جيتك بكل مافي سيرتي من عيوب
انتي البرد .. ثم البرد .. ثم السعير
وانتي الفجر ثم الفجر ثم الغروب
انتي البحر .. والشاطي ملاذ الفقير
وانتي الصدق في ثغر الزمان الكذوب

(10)

جابك الله من غياب ٍ ضيّق صدور المباني
قبل لا الوحشه تزعزع بيتك الصلب وتبيده
بيتك اللي من رحلت وكل جدرانه تعاني
ماتحمل ينتظر شهرين وعيونك بعيده
الله العالم لو إنك جيت متأخر ثواني
ماتشوف إلا بقايا من حصاه ومن حديده
من عرفتك وأنت تايه من مواني لي مواني
وتارك ٍ قلبي مولّع من وقيده في وقيده
ضاعت سنيني أحد بهاليالي وتحداني
وأنت ماتشبع غياب ولاتخاف من النقيده
ودي أتحمد لك الله بالسلامه , مامداني
كل ماتوصل برحله ترجع برحله جديده
دام تدري كل وجه ٍ غير وجه الله فاني
ياخي أكسبلك ثواب وخاف ربك في عبيده

دمتم بود

(9)

جيتك ارهقني الدرب الطويل القصير
جيتك بكل مافي سيرتي من عيوب
انتي البرد .. ثم البرد .. ثم السعير
وانتي الفجر ثم الفجر ثم الغروب
انتي البحر .. والشاطي ملاذ الفقير
وانتي الصدق في ثغر الزمان الكذوب

منوعات قمة الجمال
النايف أخترت فأبدعت
كل الشكر لك على الاختيار

.
.
.
مخآطبتك للوفآء في مختآرتك آلآولى كآنت كمن عآش قسوة آلم ليكره وفآءه ..،
.
في آلمختآره آلثآنيه رسمت من آحببت كملك على قلبك وآنت المملكه لتعيش آلولآ بعيدآ عن كل بعد وآلم قد يخلقه هذآ الملك وآنت بتمآم آلرضى ..،
.

وفي آلمختآره آلثآلثه جعلت للودآع مكآن بين آيآمك وكآنك تندم على لحظآت آلوفآء الضآئعه بآيآمك ..،
.
وفي آلمختآره آلرآبعه وكآنك ترسم ذآك آلجدآر لتخآطبه الم" لتعيش بين آيآمه وليآليه وتشكي حر مآآصآبك ..،
.
.
.
.
.
آحببت آن آصف كل مختآره ..
ولكن خوفي من مللك هو مآجعلني آقف هنآ ..

آلنآيف~
منوعآت قمه بالابدآع والآختيآر الذوق منك ..
روعه هي ذئقتك آلشعريه فلآ تحرمنآ من مختآرآتك المميزه لنبحر معك بروعة مآتطرحه ..

شكرآ لك ولروعة مآتجيد به ..
دمت لمن آحببت يآرب..،

السهم ... الابداع مرورك العطــر

روح البراكـ ,, شاكر لكِ المرور العذب والتعليق الرائع

لا صار قلبي لك وطن .. أبسألك وين الولاء ..؟
وشلون حال المملكه ؟ - دام الخيانه من ( ملك ) !..

لا هنت على الذوق في الانتقاء الرااااااائع لا عدمناك*

النجمه* أسعدني مروركِ العذب

وعليكم السلام ورحمة الله وبركاته مشكوووووور والله يعطيك الف عافيه اسمح لي ابدي اعجابي بقلمك وتميزك واسلوبك الراقي وتالقك