انا حكيم القاف مبدع طواريق

السلام عليكم ورحمة الله وبركاته
عوده بعد غياب
يليكم هذه المتواضعه
أمل ان تحوز على الأعجاب

بعد صلاة الصبح مع فكت الريق=حرك هواجيسي هبوب الشمالي
انا حكيم القاف مبدع طواريق=اقدح بيوتٍ مثل نقدالريالي
الياء صخرت القاف مافيه تبريق=وهبه عطانيهاعزيزالجلالي
اغوص في غبة بحورً غواميق=واجيب من وسط البحر كل غالي
شاعر ولي منزل على قمة طويق=ارقا سنود ونظرتي للعلالي
من لابةٍ ماتخون عهدالمواثيق=الياء وفى بعهده كريم السبالي
بني رشيد أمجادهم بالشواهيق=تاريخهم معروف بأول وتالي
وقت الملاقى تفرق الولف تفريق=(ومنزحة نشر الحريب الموالي)
قد قالها الحربي بنظم الطواريق=يوم نها بالسيف وقت القتالي
وكل القبائل بألقاء تنشف الريق=الياجاء نهارً فيه شد الحبالي

مع تحيات حكيم القوافي

ماااشااءالله وحياااك الله
صح لسااااانك واعتلا شانك
ولاهنت قصيده جزله
كلي شوق لجديدك ومتااابعه لك ي حكيم القوااافي

حمداً لله على السلامه
صح السانك وسلم بوحك ابيات اكثر من رااائعه
تحياتي لك وتقديري

ياهلا ومليار غلا

ياالله حيه وش اخبارك عساك بخير وين صديقي ابوطلال

بشرني عنه عساه بخير

وتعليقي على القصيده


اقول صح السانك وعلا شانك ياحكيم القاف شاعر جزل وقصيده وافيه ولافيها كلام
وتقبل خالص الود والتقدير

الحمدلله على السلامه ياابو دعيع

وقصيدهـ جزله اسمتعت بقرآءتها وصح لسانك وعلا شانك
تحياتي لك

اهلا وسهلا بك*
اغـوص فـي غبـة بحـورً غوامـيـق
واجيب من وسط البحر كل غالـي
عجبني هالبيت
والنعم فيك وصح لسانك ملااااااايين
تقديري لك*

صح لسانك واعتلا شانك يالشاعر المبدع

المشاركة الأصلية كتبت بواسطة نسمه فجر

ماااشااءالله وحياااك الله
صح لسااااانك واعتلا شانك
ولاهنت قصيده جزله
كلي شوق لجديدك ومتااابعه لك ي حكيم القوااافي

نسمة فجر
اسعدني مرورك الناعم وشرفني احساسك المرهف
وعسى الله ان يقدرنا على تقديم
مايحوز على رضى الجميع
لكي تحياتي وتقديري