تغطية منقية الشيخ // سعود سعود الماطر العايضي الرشيدي

خاص : حفر الباطن : أم رقيبة

تغطية الاعلامي : سلطان العايضي

عداد وتنسيق أخوكم : خلف العايضي



ننقل اليكم هذه التغطية المصوره لأحتفال الشيخ
سعود الماطر العايضي الرشيدي

بمناسبة مشاركته في مزاين أم رقيبه في فئة الخمسين وضح
وذلك مساء الخميس وصباح الجمعة
الموافق 14\2\1434ه
وكانت ليلة من اجمل الليالي التي مرة على الموروث الشعبي في المنطقة وفي تضافر الجهود المبذولة
في انجاح هذا الكرنفال الشعبي الموسمي لكل عام كان لنا لقاء مع هذا الحفل البهيج الذي اقامه

الشيخ // سعودسعود الماطر في مقر مضيفه في أم رقيبة وكان للحضور والشعر طعم آخر حيث كان هناك جمع غفير من شيوغ واعيان قبيلة بني رشيد والقبائل الاخرى
وكان للشعر والشعراء نصيب الاسد في هذه الاحتفالية والقيت بعض القصائد في هذا الحفل : حيث القى الشاعر القدير : شبيب عريمان العايضي هذه القصيدة في منقية
الشيخ ابو سطام

ياسعود ياسعود طاب الفال ـــــ واللي بغينا وصلنا له
في وضحك اللي تسر البال ــ من شافهن ينشرح باله
الاسم متفوقات اشكال ــــــــــ نوادر الزين وشكاله
لاجت تزاحم تقول اخيال ـــــــــ منها العدو زاد غرباله
بنات هرش عديم امثال ـــــــــــ يبطون ماهدو امثاله
انتاجنا ماشري بالمال ــــــــــ امن ابلنا انتاج وسلاله
حلال شيخ كريم اسبال ـــــ دون الفخر ماذخر ماله
شجيع راس وعشير ارجال .. مايشرب الخصم فنجاله
منقيته خلت العذال ـــــ والحاسد بحال يرثى له
من دونها بألملاقا ابطال ـــ بني رشيد آهل الطاله
خيالنا عن مية خيال ــــــ ماحد يجاريه بفعالــــــــــه
يشهد لنا بماضي الاجيال ..فعل قهر خصمنا وهاله

كما القي الشاعر الكبير ذويب الخياري القصيدة التالية


سلام ياريف النشامى بليهان .. الماطر اللي حصل الطيب كله
ياطيب السمعه ياذرب الإيمان .. طلق الحجاج اللي يشرف محله
جاب البكار الوضح حلوات الالوان .. مثل النجوم الساطعات المطله
وضح(ن) يامشالله مثل غرالامزان .. والاالبرد من مزنتن مستهله
ماجابهن ياكود في غالي الاثمان .. مفرودهن يجيب اللكزس وفله
ان جاء نهار العرض في وسط ميدان .. المركز الأول تبي تستحله
على الرحول يصيبها هبال وجنان .. منين ماساق الرحول اتبعله
لجائزة صقر الجزيرة كحيلان .. عبدالعزيز اللي حكم نجد كله
ويعيش عبدالله ويعيش سلمان .. درع البلاد اللي نعمنا بظله



ثم القى الشاعر الكبير / عوض بن زنيوط المشرافي المطيري
مهداه للشيخ / سعود بن سعود الماطر العايضي الرشيدي
بمناسبة حفل مشاركته بأم رقيبه بمنقيه المغاتير فئة الخمسين

صـفـقـوا يـاهــل المغـاتـيـر للمتـفـوقـات . . . وضح ابن ماطر مايوجد كماه الا القليـل
مـن بنـات ابعيـره ابكـارهـن والأمـهـات . . . . مستحيـل انــه يـطـش الـرديـه مستحـيـل
أهزعهن عرقوبها والمشارب ضافيـات . . . . . والسنام معود(ن) خلف والغارب طويـل
ماعليهن وسم ماهوب وسـم العياضـات . . . قيمـت الوحـده عمـاره مايملكهـا البخيـل
ميـر أبـو سطـام يسلـم زبـون الكـايـدات . . . الوفي وأبن الوفي والأصيل ابن الأصيل
مـن رجـالاً طيبهـم بالسنيـن الماضـيـات . . . .عبس ماضين الفعايـل وهـذا اكبـر دليـل
فعلهـم كـلاُ شـهـد لــه بــدون مجـامـلات. . . يوم دور السيف الاملـح ودور أم الفتيـل
وضح ابو سطـام باربـع جوائـز فايـزات. . . . . . فـايـزه بـاربـع جـوئـز عليـهـا الله وكـيـل
والـسـنـه هـــذي يـبــي يطـلـعـن الأولات . . . شجعوهن وطلبوا واحد (ن) ماهو بخيل
قالها شاعر مطيري من أهل المعجزات . . . . مايحسـب حسـاب للحمـل لـو أنــه ثقـيـل








































وهنا بعض مقاطع الاحتفال والمسيرة


حفل منقية الماطر "الجزء الأول "



.
.

حفل منقية الماطر "الجزء الثاني"



.
.

مسيرة منقية الماطر "1"



.
.

مسيرة منقية الماطر "2"



.
.

مسيرة منقية الماطر "3"



.
.

مسيرة منقية الماطر "الاخيرة"









أمل وضع البنر المناسب لهذه المناسبة وفاله الفوز

ابو سطام ان شاء الله
.

تمنياااتي له بالتوووفيق ....,
يعطيك العااافية .....,

الله يعطيك العاافيه تغطيه جميله
الله يوفقه لاهنت خيي