الامير خالد بن سعود وتركي 2000

محــاوره بــيــن الــشاعــر صــاحـب الســمو الامــير
خــالد بن سعود الكــبير

والــشـــاعــر تركي عطا الله الميزاني




تركي:

سـلام الله سـلام (ن) للعلـوم الطيـبـه عـنـوان
واعرف معزبه والظيف فـي حكمـة معازيبـه
وانا لي صاحب (ن)ماينطق الكلمه بلا برهان
ابا اسولـف معـه والعلـم يدريبـه وانـا ادريبـه

خالد بن سعود الكبير:

الا يامرحبا واهلا بقلطة شاعر المطران
تراحيب (ن)لها بالصدر تشريقه وتغريبه
وانا ياصاحبي ماني بمثلك لشعـر ميـزان
ترفقبي ترى تـوي غشيـم وداخلـي ريبـه

تركي:

يدوم لك البقا والطير مايكفخ بلا جنحان
وانا خابرك صقر وكـل صقر(ن)لـه مخاليبـه
سبحنا في البحور الي تضم اللولو والمرجان
واخذنا مانبي والوقت ماتصفى مشاريبه

خالد بن سعود الكبير:

صحيح الوقت مايصفى وتعكير الزمان الـوان
واشـوف الخايبـه تعجـب وهـذي والله مصيبـه
غدى عنـد الهزيلـه شـان والجزلـه ثمنهـا هـان
وسف الكذب والتهريج اشوف الناس تغزي به

تركي:

اشوف اللي تشوفه طال عمرك يالله الغفران
واشوف الناس قامـت تبتسـم بسنـون تركيبـه
لو ان اللي بنى البيت المسمى ثبت العمـدان
ماشفنـا الريـح تلعـب بيـن ذرياتـه واطانيـبـه

خالد بن سعود الكبير:

يـا كيـف الحـل والحالـه سفينـه مالهـا ربان
يمشيهـا الهـوى مـن حـيـث ماهـبـت دواليـبـه
عربها ترقص وتزف على حس الوتر و الدان
يحسبون المعاني صولها من جاب له خيبه

تركي:

اظن الحـل نتركهـا تهيـم بغبـة النسيان
عسهـا مـن نصيـب القيـض لا هبـت ملاهيبـه
لو ان النابغة مخطي ماعود بالرضى حسان
ويكفينا رضى حسان والوقت وتجاريبه


خالد بن سعود الكبير:

انـا خابـرك ميـزانـي وربـعـك كلـهـم شجـعـان
علامـك عــرَ ض لــك هدفـهـا ماتضـحـى بــه
ترى صمتك عن الغاوي وتصديدك عن الخوان
عذاب(ن)للضمير الحي ولا في هرجتـك غيبـه

تركي:

انا مثلـت فيـك القـاف مامثلـت فيـه فـلان
وطبعي كل مقفي ملحقه واشذب عراقيبه
نبي نبعد عن المنقود والمشروه مهما كان
ولا نفرح على المسلم اذا كثـرة عذاريبـه

خالد بن سعود الكبير:

اجل بنشدك عن فيل(ن)يحب مغازل النسوان
تضيـق ابـه الاماكـن والمداخـل مـن لغابيـبـه
يقول إلهن انا الساحر وانا الباهر وانا الفنـان
وهو ياكل شنـق غيـره وكـل (ن)داري بعيبـه

تركي

سمعت انه على كبره يحس بعقـدة النقصـان
مجـنـد لــه رعــاة تمـدحـه وتـقـول ياطيـبـه
لكن الفيل يبقى فيل يوم أن الحصان احصان
وضلع طويق ماكل(ن)يبي المرقى يعدي بـه

خالد بن سعود الكبير:

مابين ممسـح الريضـان وبيـن ملهـي الرعيـان
غدى ما للجزالـه دور ولا لاهـل السنـع هيبـه
الا يال الزمان الشين الا يال ضيعـة الوجـدان
نزل في سوق ابن قاسم وكل(ن)قال كم هي به

تركي:

من اول كنـت يـا هـداج تيمـا تـروي الضميـان
لـكـن الـيـوم جـمـك مانـذوقـه مـــن غثـاريـبـه
لابد الوقت يكشف من هو الرابح من الخسران
وكل(ن)يلتبـس لـه ثـوب فـي قـده يصـلـي بــه

خالد بن سعود الكبير:

انا يعجبني الشاعر قوي الحبك والبنيان
إلى منـه بنـى بيتـه يشوقـك فـن تقطيبـه
اجاذبه العلوم اللي تونس والخفا مابـان
مثل تركي عساه يفوز بالمليون ويجيبـه




منقول من جريدة الرياضيه

عدد 7097 تاريخ 6-3-2007

الله يبيض وجهك اخوي رويبح على هذا

النقل الجميل الفريد من نوعه

مشكووور ولاهنت

الله يعافيك اخوي لاهنت

يعطيك العافية

على النقل الرائع

تحياتي

ابو وليد سلمة يمينك على ما خطت

بيض الله وجهك نقل فريد من نوعه


تحياتي لك وتقديري

مشكووووور اخوي رويبح على النقل الجميل

يعطيك العافية