يقول الي جرح قلبة حبيبة

يقول إلي جرح قلبه حبيبه
وجرب لوعه الحب ولهيبه

الا ياويل منهو عاش مثلي

صويب القلب والحاله تعيبه

سنين اطوال راحت من حياتي

وانا محتار وجروحي عطيبه


اسير بشوق خلٍ مارحمني

ياليت الي سطا بقلبي يصيبه

تركني وشمت العذال فيني

عنيد الراي مايرحم صويبه

يقولون اترك الزين وغرامه

حبيبي خان ودك وش تبي به

واقول المختفي محدٍ درابه

عسى من لامني به يبتلي به

انا مدري علامه مايبيني

صحيح الزين عادته غريبه

قبل سنتين يتمنى وصالي

يبي قربي وحبي ويهتني به

واشوف اليوم انا اتمنى وصاله

سمع صوتي وعيا لا يجيبه

انا لا قلت تكفى شوف حالي

ابي كلمه تهون لي المصيبه

يردد كلمته ويزيد ناري

(انا مابي غرامك ماهي غصيبه)

انا وش حيلتي بلي ظلمني

وظلم قلبي وهو من اول حبيبه

على فرقاه رددت الغناوي

ابي يسمع قصيدي ويعتني به

ولكنه رفض يسمع كلامي

وانا الدمعات لعيوني قريبه

انا وش فادني ترديد شعري

مدام الحظ قصر لا يجيبه

مسحت بدمعي ما خطت ايدي

بعد ماكانت ابياتي عجيبه

وضاع الشعر ويا الحب مني

وبقا مبداي الاول ينتهي به

واقول اني نسيت الهم لكن

يقول الي جرح قلبه حبيبه

لاهنت يارشيدي على الابيات الرائعه
وينقل الى قسم عيون القصيد
تحياتي لك.

شكرا لك رشيدي ورافع الراس ,’
يعطيك العااافية,

تم تعديل الرابط
أشكرك رشيدي ورافع الراس على الاختيار الرائع

لاهنت رشيدي ورفع الراس على القصيدة الرااائعه

يعطيك العااافية,