إن كان جرحك داخل القلب موذيك

إن كان جرحك داخل القلب موذيك
أنا بعد مثلـك جروحـي عميقـة

لا تحسبنـي دالـهٍ يـوم أسليـك
وأضحك معك و آجنبك كل ضيقـة

إن جيتك أنسى ضيقتي لجل أداريك
وإن رحت عنك يشب قلبي حريقة

إي والله إني داخلي كلـي أغليـك
لو كل ما بي كذب هـذي حقيقـة

حاولت أجنب عنك همي وأثاريـك
شايل بصدرك من همـوم عتيقـة

تقول لي وش فيك وأقول وش فيك
كلٍ يـداري لوعتـه عـن رفيقـه

همومك اللي يوم جيتـي تباريـك
والدمع واضح وسط عينك بريقـه

مهما كتمتيها ترى القلـب قاريـك
والصدر فاضح لو كتمتي شهيقـه

دامك شكيتي لي فأنا ودي أشكيـك
وأبين اللي مـا عرفتـي طريقـه

هم كسـا قلبـي وخـلاه يبكيـك
ومـن أولٍ كنتـي لقلبـي حديقـة

قلبٍ حوى حبك وبالـروح يفيـدك
وأنتي بعد بـه دوم كنتـي شفيقـة

يومك شريت القلب والقلب شاريك
ما أحدٍ من العالـم بقـادر يعيقـه

أضحك ليا مني تذكـرت ماضيـك
أيـام ضحكاتـك معايـه رقيقـة

تجذب قليبي دون خطـة وتكتيـك
وتعلقه بـك فـي علاقـة وثيقـة

كان الفرح ما بيننا نصرفه شيـك
والهم نايم مـا لقـى مـن يفيقـه

أيام كل إذنك معي يـوم أحاكيـك
أيـام كـان اليـوم فيهـا دقيقـة

واليوم صار الحب هـمٍ وتفيكيـك
وأضحت هواجيس العلايق طليقـه

أول ليـال الحـب شبيـك لبيـك
وآخر ليالـي حبنـا مـا نطيقـه

هذي شكاوي كل قلبـي لأياديـك
قدمتها لـك فـي عبـارة دقيقـة

أنطق بحكمك قبل حكمـي يلاقيـك
وأصدر لنا من بعد هـذي وثيقـة

منقول

إن جيتك أنسى ضيقتي لجل أداريك
وإن رحت عنك يشب قلبي حريقة
إي والله إني داخلي كلـي أغليـك
لو كل ما بي كذب هـذي حقيقـة
أبيات رائعه ... ابو نافع كل الشكر لك على الاختيار

تجذب قليبي دون خطـة وتكتيـك
وتعلقه بـك فـي علاقـة وثيقـة

لا هنت ع الانتقاء المميز لا عدمناك*

أختيار رائع ,
يعطيك العااافية,

مشكوووووور والله يعطيك الف عافيه على هذى الاختيار الرااائع
تحياتي لك

أضحك ليا مني تذكـرت ماضيـك
أيـام ضحكاتـك معايـه رقيقـة

تجذب قليبي دون خطـة وتكتيـك
وتعلقه بـك فـي علاقـة وثيقـة


اشكرك ياابو نافع على الأختيار الرائع للقصيده.
تحياتي لك.

أبيات رائعه ...أبو نافع الف شكر لك على الأختيار