::..جمر انتظـــأإأرك فـوح دلآل مغليـك..::

اقلط بقهويك الغلا واقـدع الشـوق

جمر انتظارك فـوح دلال مغليـك

قاعد لحالي بين هاجـس وطـاروق

اطريك واتضايق واذا ضقت اطريك




هَلا رفعت الصوت ياحادي النـوق

هَلا شدوت الحزن ياساجـع الأيـك






بأشتت أحزانـي مـع أي منطـوق

بأجرب الدنيا ليـا صـرت ناسيـك






لديت عيني للسما رعـود وبـروق

ونسايم الغربي مـن الهـم تشفيـك
والشمس تستأذن من الصبح بشروق

والورد بأنسـام الروايـح يزكيـك






أحلى طبيعه عابها غيـاب مخلـوق

نفس الحكايه غصب تطري طواريك






اثرك معي مابين فكر(ن) ومعلـوق

أحياك وأحيابـك وأحبـك وأحييـك


دربك خضر لو كان دربي به العوق

ياعل من حولي من النـاس يفديـك






هذي دلالي بالغلا وقدعـة الشـوق

والجمر لاهب لو حرق جوف مغليك






ابأنتظر لو السهـر عـذب المـوق

وان ما حضرت اشب ناري وأناديك

مما راق لي