+( سمين في هالزمن )+

بسم الله الرحمن الرحيم السلام عليكم ورحمة الله وبركاته أقدم لكم هذه القصيدة وهبني ربي من الشعر واشكر ربي الوهاب = قصيدي لا توانا ياقصيدي والمداد بحور ابا اصخّر حروف الشعر وافتح للقصيد الباب=وابا اجر اللحن بالصوت لا مجبر والا مغرور قصيد اكرم من الديم الصدوق البارق السكاب = يسوقه هاجسي للطيب واجمل من شروق النور ولا ياشّرد الافكار لا مشّرد ولا مجناب= تعالي في رياض الفكر ونكتبي حروف سطور ابا اسجل من حروفي قصيد لاهل اللالباب=مدام الله جمعنا ياقصيدي خاطب الجمهور الا ياعزوتي يا عيال(عبس) اهل الوفاء الاشناب=الا ياعصابتي يامدخلين الزابن المقهور ابا اوصيكم وابا استاذن قبل ما ابدأ من الشياب= اوقر من كبرني سن ما هو خوف والاقصور اشوف بها الزمن سمين سم الحيه مع الداب=سرن في عصرنا الحاضر ومن يغفل هو الخطور الاول لقمة الشيطان وان جت بين ضرس وناب= تضيّع عالم الانسان لين يصير خالي شعور سمومٍ مرسلة منها الهدف تفريقة الاحباب= تروجها ذيول المجتمع والعالم المدمور وثاني العلم ركز معي وحذر عالم الارهاب=ترى الارهاب ماهو دين لا تنغر بالمنظور لا يجرفك الكلام ومظهر المتحدث الجذاب= بشيء من الكتاب ومن حديث الراوي المشهور يجيد اسلوب للتشويق يحبك خطبة المحراب=يرهّبك ويرغّبك بزواجك من بنات الحور خبيثين النوايا اللي خذوا دين العباد حجاب= عديمين الضمير مخرّبين الموطن المعمور من يخون الوطن لو طوّل اللحيه ترى كذّاب= لونه يدعي بالدين خاين مدعي مثبور وصاتي ياكبار الفكر ابيها بينكم تنساب= ترانا في عصور الفتنه احذر والعصور عصور أحمد عبيد الهنيدي