مقتطفات شعريه /وليد خالد العمران

1 مقتطفات شعريه
أبيك عندي دايم الدوم مـــــوجود::: مابيك تبعد عـــن عــــيوني دقيقه

في قــربك الدنيـا بساتين وورود::: وفي شوفتك معنى السعاده حقيقه

××××××××××××××××××××××××××××××××××××××
2
يلــي تجاهلني وانا عندك اقريب ::: ماهــــو بحق انك تجاهل وجودي

معك صدقت الحب من دون تكذيب:::وبذلت لك باالحب كامل جهودي

×××××××××××××××××××××××××××××××××××××
3
سرياقلم وكتب للأحباب مرسول::: وذكر سلامي جعلهم يذكروني

برسالةٍ منهم تجي لو بعد حول::: يفرح بها المشتاق لومايجوني

×××××××××××××××××××××××××××××××××××××
4
ياديرتٍ فيها الحبايب يحـــــــــــلون::: لعلها للخير لوغبت عنها

دارٍ لها في موهجتي حب مصيون::: حبيتها من حب حيٍ سكنها

×××××××××××××××××××××××××××××××××××××
5
ياديرة الخلان وش عاد باقي::: عقب الحبايب والحبايب جفوني

من أولٍ يادار وصل وتلاقي::: واليوم حتى بوصلــهم قاطعوني

××××××××××××××××××××××××××××××××××××
6
يابوي اباوادعك يابوي وادعني::: وعطني يدينك ابمسكها وقبلها

ياتاج راسي فراقك حيل متعبني::: ماهو بودي انا نفسك ازعلها

××××××××××××××××××××××××××××××××××××

7
الله اكــــبر تبـــي تاخذ ولاتعــــــطي::: حبيت نفسك وتعبتك مــــطالبها

وبديت ذاتك على كل الغلا وثري ::: مشاعرك تنكر افعالك وتغضبها

×××××××××××××××××××××××××××××××××××××
8
نويت السفر عن ديرتٍ فيها بناتي صغار::: مشيت ولاسلا فكــري عن صغارٍ تحاتيني

تصور في عيوني يوم بنتي جالسه أبرار::: بجنبي جالسه تضحك على يمناي تراكيني

××××××××××××××××××××××××××××××××××××××××××××
9
وش عــــــاد لوانك عليه تغليت::: بلقى مــــع الايام غيرك يبيني

غلطة عمر واجهتها يوم حبيت::: بلي قســــى قلـبه وعيا يجيني

×××××××××××××××××××××××××××××××××××××××××
10

ليتك عقب ماقفيت فيني تجملت::: وسترتني يوم انك اقفيت عني

وليتك صبرت ولابغيابي تكلمت::: ولاكشفت اسرارنا الي فضحني

×××××××××××××××××××××××××××××××××××××

شعر: وليدخالدالعمران