الشاعر عبيد دعيع يرد على الشاعر براهيم بن ناشب

قصيدة من الشاعر// ابراهيم بن ناشب موجهه الشاعر عبيد دعيع القلادي

يالمختلف تكفى توصّـل بريـدي=وأنا بحدد وجهة القصـد تحديـد
بلـغ تحياتـي عبيـد الرشيـدي=عسى سلامي ما يضايقـك يعبيـد
ترى المعزه هي سبايـب قصيـدي=أهدي معاني ما ورى نظمها كيـد
أغليك يالقرم الحكيـم الرشيـدي=بين الرواسي شامخ الراس ياحيـد
يابو فهد هل في الشعر من مزيـدي=ولا نقـول الـي كتبنـاه ونعيـد
أبي جديدك يوم تقـرى جديـدي=قصائدك من عبقر الجـن وهبيـد
نظمك حديد وفيه بأسا ً شديـدي=والي يبا تقوى حباله ثنـى القيـد
عشرين عامـاً كانهـا ماتزيـدي=وعظام ساقي للفرج تقطـع البيـد
أسعى من أقصى الشام لرض التليدي=مع كل جرهد نقتفي جرّة الصيـد
ماشفت ولا صد علـم ٍ وكيـدي=رحنا وجينـا مانقصنـا العباريـد
الحظ عيـا لايوقـف عضيـدي=مدري المقدر ماقسم نجلب الفيـد
أنا أحسب ان الشعر فاله سعيـدي=أثر الشعر يبغى الذي فاله اسعيـد
واليوم أنا خذ القناعـه رصيـدي=مدام ما لنفـس والعمـر تخليـد
واذا اجتمعنا في نهـار الوعيـدي=الفايز الي وحـد الـرب توحيـد

الشاعر عبيد دعيع القلادي يرد على الشاعر براهيم بن ناشب

قم يا ند يبي فوق لكزس جديدي=جديد توه باخر الصنع توريد
ابيض ولونه مثل لون الجليدي=كلش طبيعي ولا بالأ سيات تنجيد
أسبق من لى مرسله بألبريدي=بألمختلف ثلاثة أيام وتزيد
مظمونةًعن التلف ماتبيدي=ولا لزق اطابع عليها بتوريد
تاصل لبن ناشب برد النشيدي=الشاعر أبراهيم قرمً وصنديد
فيها السلام وجعل عمره مديدي=لعل باقي ايامكم كلها عيد
معزتك تجري بدم الوريدي=وحسن النوايا كل يوم ً بتجديد
انته زعيم القوم وانت العقيدي=ولك المعاني ياسنافي مقاييد
ولا كل من بدر الصيده يصيدي=الشعر وهبه والمشاعر بها صيد
الشعر وادي وفيه صيدً فريدي=وكلاً على الوادي يحث المواريد
والشعر حبك وسبك وفيه المفيدي=والشعر غيض وفيض من دون تزويد
ان كان تبغا يابن ناشب جديدي=هذا جديدي ياسنافي بتحديد
هذ جوابي وكتب القول بيدي=من فوقها توقيع لشاعر عبيد
وصلوا على المختار خير العبيدي=نبينا الى وحد الرب توحيد