يالله

يالله يامنشي سحاب المخاييل

يالله يامنـشـي صــدوق المخـايـيـل

يالـلـي بقـدرتـك العظيـمـه تسـوقـه

أرسل لنا من فضل جودك هما ليـل

مزنـن مـن القبلـه تكاشـف بـروقـه

يمطر على الديره من الصبـح لليـل

والعشب ينبت عقب يبست عروقه

تـزيـن كشـتـات الـلـيـال المقـابـيـل

مع الرجـال أهـل المزايـا الصدوقـه

أهــل العـلـوم الطيـبـات المشاكـيـل

اللي علـى دروب المراجـل شفوقـه

مافيهـم اللـي ينقـل الكـبـر والمـيـل

يـوم الـردا والطيـب تعـرف فروقـه

أشفق على خوة هل الطيب بالحيل

الـلـي بـقـول الـحـق دايــم نطـوقـه

والفـرق واضـح مايبـا زود تحليـل

يـوم الـردى ثوبـن كثيـره إشقـوقـه

أنحاش عن جلسة هل القال والقيل

شـذابـة المقفيـيـن قطـعـا وعـوقــه

مامـن وراهـم غيـر كثـر البهـاذيـل

لاشفتهـم نفـسـي تـقـول امخنـوقـه

يـازيـن شـبــة ضـونــا والتعـالـيـل

أخيـر مـن جــو المديـنـه وضـوقـه