شكـــر وتقديــر

شكـــر وتقديــر
=========

اتقدم بعظيم الشكر والامتنان الي الاستاذ الفاضل / مفلح الخضيري علي ما قام به من افعال طيبه ومواقف مشرفه وانني مهما كتبت او قلت لن أوفي بحقه ولكن ما أقول إلا جزاك الله عنا خير الجزاء يابو نايف.

كما أتقدم بجزيل الشكر والتقدير للاستاذ الفاضل الاخ المميز الذى كفي ووفي علي ما قام به من جهود جليلة ومواقف يشكر عليها أطال الله في عمره وحفظه الله من كل مكروه .

كما ألتمس العذر من إخواني وأخواتي بعدم تواصل حضوري في المنتدي ولكن منا الخطا ومنهم قبول العذر .

ويسعدني ويشرفني أن أقدم لك هذه القصيدة المتواضعة تقديرا لك وبما تحتويه شخصيتك من صفات الرجوله والمواقف والاخلاق الحميدة .

أكرر شكري لك يابو نايف .

---------------------------------------

فهقت عن ذيك الصناديق الأقفال = واخترت من جزل المثايل رفيعه
خذ يا قلم مع بيض الأوراق منوال = تخير الجزله وخل الوضيعه
ما دام فكري للتماثيل شغال = قلبي يترجم والمثايل تطيعه
في مدح من بالمدح تزهاه الأمثال = بدرٍ فضح داج الغياهب لميعه
نجل ٍ لمن عرب من الجد والخال = طير السعد نجل الحصون المنيعه
مفلح إليا منه هبا كل ذلال = يا سعد منهو بالمواقف فزيعه
مفلح خذا في قمة المجد منزال = طيبه وراثه ما خذاها بديعه
سيفي بعركات المواقف والأبطال = ضربات حده بالملاقا وجيعه
مصقول صمصامن للأرواح سلال = يفري اللحم وفتوق جرحه وسيعه
وفيه الوفا وافي اليا قال فعال = فعل الوفا والطيب عنده وديعه
وشهم وشجاع وبالمهمات رجال = وطبيب نفسي للنفوس اللكيعه
يابن الرجال مطوعت كل عيال = حمر الوقايع في نهار الوقيعه
خطلان الايدي بالوغا سود الادغال = ضربة ايدهم في عداهم شنيعه
وهيف السمان ومزبن الخايف الذال = وللجار سورن ما تجيه الهزيعه
مشكور يا رجل المواقف والافعال = كساب للعليا وغيرك يبيعه
واسلم رعاك الله يا طيب الفال = يالي تجي فزعات مثلك نفيعه
ياعل يفدونك هلابيس الانذال = حلوين الالسن في اسلوب الخديعه
واقبل تحياتي بمنظوم الامثال = تحمل بطياته ورود الطبيعة

وسلامت الجميع

عايد السندي

صح لسانك وفيت وكفيت قصيده طيبه وابو نايف يستاهل والله المدح والثنا الله يصح السانك يالسندي

تحيتي لك

الشاعر والمؤلف عايد السندي ،،،
اقف احتراما لهذا الاسم وانا فخور ،بيض الله وجهك على ماقدمت ،
وابو نايف من منبع طيب ويستاهل ...

صح السانك الشاعر والمؤلف عايد السندي ،،،
بيض الله وجهك كفيت وفيت قصيده رائعه وجميله وابو نايف من منبع طيب ويستاهل كل علم طيب

تحياتي وتقديري لك

يعطيك ربي الف عافيه واخوي ابو نايف بستاهل كل خير عمره ماقصر مع احد

مايحب يزعل احد او يجرحه يستاهل كل خير واكثر من كذا وتسلم يدينك على الشعر الحلو

نظمت زين الأمثال يالشاعر العلم عايد السندي ومدحت شخص يشهد الله أنه يستاهل كل المدح والثناء

وفزعات أبونايف مثل عين الشمس مايجهلها أحد


صح السانك ياجزل المعاني والابيات

عائد السندي

أهلاً وسهلاً بك

انت كذلك كفيت ووفيت وحضورك بهذه المؤشحه الرائعه يكفي عن الف حضور

والاستاذ/ مفلح الخضيري

مهما تكلمنا عنه لن نوفيه ربع مايقوم به بيض الله وجهه وجزاه عن الجميع خير الجزاء

وعذرك مقبول

ونحن نعلم بأن غيابك وقله تواجدك ليسى عدم اهتمامك بالمنتدى بارك الله فيك

ولكن لكل شخص ضروف وعدم الفراغ للنت مهما كانت الاحوال

وصح الله لسان على هذه الابيات الشامخه وبما احتوت من مدح بشخص عزيز على الجميع

ويستاهل جميع ماسطرت بذلك

عايد السندى شكراً لك مرةً أخرى على هذا الوفاء الذي لايستغرب عليك

تم تثبيت النص

وتقبل فائق أحترامي وتقديري

صح السانك الشاعر والمؤلف عايد السندي ،،،
بيض الله وجهك كفيت وفيت قصيده رائعه وجميله وابو نايف من منبع طيب ويستاهل كل علم طيب

تحياتي وتقديري لك