ما نقص ودك

انا على عهـدك المعهـود ووعـودك=في خافقـي لا تـزال ولا نقـص ودك
يا من لفح خافي احساسي هدب سودك=حسبي على اللي من اسبابي وقف ضدك
ما دار في خاطـرة نقصـك ولا زودك=ولا هزته دمعة(ن)سالـت علـى خـدك
وانا جريحـك وموعـودك ومحسـودك=وانت ادري انك ومجبور(ن) على صدك
لولاي اعزك حشا مااقـول يـا كـودك=ولولاي احبك واحبـك مانتضـر غـدك
لا شك خوفي عليك وصـادق عهـودك=يجعلني اقف على حدي ما اجي حـدك
خذ روحي احلى نسيم(ن)يلثم خـدودك=وخذ خافقي دبلة(ن)زيـن بهـا يـدك
خذ كل الاشواق معـك الينثنـا عـودك=وخذ من قصيدي تواصيف(ن)على قدك

صح السانك وعتلا شانك قصيده رائعه وجميله

تحياتي وتقديري لك

سـ لمت يدآكـ أخي ح ـردآن



تحياتي لكـ

الله الله الله
الحقيقه ابدعت اخي حردان احيي بك هذا الاسترسال الرائع
مزيد من الجدائد نبحث عنها فنجد الروائع هنا دمت بحفظ الباري

لاهــنت اخوي صحــــ لسانكـ واعتلى شانكـ لاهنت على القصيدهـ

اقتباس:المشاركة الأصلية كتبت بواسطة ابوباسم الذيابي صح السانك وعتلا شانك قصيده رائعه وجميله

تحياتي وتقديري لك
][صح الله بدنك وبيض الله وجهكـ واشكركـ على مروركـ][

اقتباس:المشاركة الأصلية كتبت بواسطة المميز سـ لمت يدآكـ أخي ح ـردآن



تحياتي لكـ



؟؟؟( حــــياك .. الله ؟؟؟)$

مفردات متميزه جداً بارك الله فيك

ولايستغرب على شخصك هذا الابداع


لك جزيل الشكر والتقدير