معاد باقي حزام ولابقت قيمة

ياهاجسي نشد الماضي من ايامي = وعن مايمس الكرامه نشّد الشيمه
وش علم عج الخوافي ثارقدامي=بريت منه الشكوك وبانت الغيمه
وإن ارتخى محزمي من سبت احزامي=معاد باقي حزام ولابقت قيمه
تقمح حياة البشر وتضيع الاحلامي= ويبقى تراثاً على الأحفاد ترميمه
اما بطول الزمان تجف الاقلامي= والاعلى ذمة الوارد مفاهيمه
ولاعادفيها جدل وهواش ومحامي= جميع ماذكر مدفونه معاليمه
عين الحقائق تصح النوم وتنامي= من جرح يصعب على الدكتور تعقيمه
شرعية المنتظر من بث الآعلآمي= وتسمم الجرح من سطوت جراثيمه
يلفح براد الضلام ويبرد الحامي= ويسجد على شكر ماحاشت مقاسيمه
ماينقص الوقت زاده ميسم الكامي= يضحي عليه الضحى ماقضى لوازيمه
ضياع جهد الامل وان طاح ماقامي= تبني عليه الرمم خيبة مغانيمه
على سراب الحمم مايراد الضامي= لوفيه غر السحاب ارخى مقاديمه
مايصنع المعجزه غير امرها السامي= وتوضيح خط القلم كتبه وترقيمه
على بياض الورق تبصيم الابهامي = مايوصل الحد تحليله وتحريمه
يقطن عرين الاسود الماهر الرامي= اللي بناء الصرح واستيسر معازيمه
في قمتً عرشها من جرحها دامي = يوحى له النصر واغرنه مواهيمه
قسى عليه المكان وزاح الازلامي = لياما شريق الضحى دفنت براعيمه
غامر بزرق الرماح وقطف الانسامي= وخلا الطواغيت تخشى من هناديمه
صنع له المجد تدوينه ومرسامي= لله در الزمان ودر تعليمه
جرد الهواجس تكدر عيش الايتامي= وانا هجوسي على غبني وتعظيمه
وسرجت خيل الهجوس بسرج والجامي= وفسحت للوقت هيكلته وتنظيمه
ولاني مدورضياع الصبر وحطامي = ان كان برج النوايا تم تحطيمه
متمسكن بالحدود ودين الاسلامي = وعزة بنادم بشرعية مكاريمه

صح لسااانك وعتلاء شانك


وبيض الله وجهك على هذه الابيات

صح لسانك واعتلا شانك يا أبا نايف

وإن ارتخى محزمي من سبت احزامـي ###مـعــاد بـاقــي حـــزام ولابـقــت قـيـمــه

صح لسانك ياأبو نايف قصيدة جدآ رااااائعه.
متميز بطرحك الجميل.

عين الحقائق تصـح النـوم وتنامـي ***من جرح يصعب على الدكتور تعقيمه
شرعية المنتظر من بـث الآعلآمـي ***وتسمم الجرح من سطـوت جراثيمـه
لا هنت ابييات تعبر بكل صدق عن واقع اليم
دمت ودام نبض ونزف قلمك الراقي دومااا *

"لله در الـزمــان ودر تعلـيـمـه"

لله درك أبو نايف ,صح لسانك

لا عزة لنا الا بالاسلام ونعم العزة ياعزيز الجناب

اشكرات كثيرة

صح الله لسانك واعتلا شانك

قصيدة جزلة من شاعر جزل

نظمت فأبدعت وقلت فأسمعت

لله درك من شاعر تفتخر القصائد بانتسابها إليه

صح لسااانك وعتلاء شانك


وبيض الله وجهك على هذه الابيات