جلسـت افكر واتفكـــر بالاحـــــــــــوال
اجمع وافــــــرق دقها والجـــــــلايــل
في ساعة مـافيه من حـــــــــولي ازوال
الا انا والنار تشـــــــعل شــــــعـــايل
مركي على جال الجمـر خمســة ادلا ل
يقـدح ســناها مــــثل برق المخــــايل
واخـذت لي منهن على الكيـف فنجــــال
يجلي هــموم وســط فكــري تشـــايل
في صحصح مافيه حاســـــد وعـــــذال
اهل القلوب المبغــضــــات الغــــلايل
في صـحصح يطرد على بيــــده اللال
قــفـر خــلا مـافيه غـير الهــمـــــــايل
اخـذت اراجــع مــاعرفـته من امــثــال
مــاضي العــلوم مــوثـقـات الــدلايـل
لقــيت في دنياي مــــايزعـج البـــــــال
مما يريب النفـس شــــفت الهــــوايل
ســندت ابرقا نايف الرجــم والجــــــال
وزلت قــدم رجــلي بجــــرف وتهـايل
وطيتها شعـــبان وحـــزوم وجـــــــبال
وسـريتها مـسرى وصــــبح وقــوايل
خاويت انا ارجــال من ناس ورجــــال
ومــال الـرخـم مـاكرعلى راس طـــايل
شـفت الحـصـاني تعتلي روس الاقذال
والذيب يمـشــي يتقــي بالمســــــــايل
والبوم له مـاكر على راس مــاطــــال
والحــــر ينزل بين قـــشع وخـمــــايل
صارت على الاجــواد هـم وغــــربال
فـــيـهـا تســـــاوت بالفــــضـيله رذايل
ضــاعت مـفاهيم عــريضات وطـوال
فـيـهـا اخــتلـف درب السـنع والوسايل
دنـيا غــريبـه مـاعــرفنا له اشكــــــال
منهـا لبـيب العـقل شــاف العــــــــلايل
دنـيا تقـلب بين الاقفـاي واقــــــــــبـال
ضــاعت بهــا الحـسـبه بكــل المسـايل
كــلن غـدا للحــق ناقض وفــــــــتــال
من يوم صــارت هـرج قـيل وقــــــايل
حتى الكـرم شـبه مـع الناس بخـــــبال
والحـق عند الناس عــــــدله تمــــايل
مـنهـا نشـف حــالي غدا كنه اخـــلال
هذي عظـامي تحت ثـوبــي نحــــــايل
مــاكل مـن يلبس له اعـقـــال رجــال
ولاكل عـــســـاف يعسـف الاصـــــايل
المـرجلـــه مــاهي ســواليف دجــــال
المرجــله جـزم وعــــــــزم وفعــــايل
والشــور مـايؤخـذ من عقول جهـــال
والحـق مـايقــبل عليــــــه البــــــدايل
اصد وجهي عن بعض شوف الانذال
واقبل على راعــي الــوفا والجــــمايل
ماعـاد لي رغـبه ولاعـندي امـــــــال
ولاني من اللي للردى هـــد عـــــــايل
لي رغــبة وحـدة ســـجود بالاصـــال
أخـــط لي مـسجد واصلـــي نفــــــايل
مما راق لي
03-02-2012, 08:15 PM
كــلن غـدا للحــق ناقض وفــــــــتــال ...
العرض العادي
