لوتنصف الناس

لوتنصف الناس


يا صالح البحث خله واترك الماضي
عوج الليالي عسى ربك يعدلها
لا تتبع النفس ترث فيك الأمراضي
وادع الحواسيس عنك لا تخيلها
واعمل لدنياك وآخرتك وكن راضي
وارزاقنا عند رب العرش كافلها
واسلك طريقاً سليماً فيه تعتاضي
بعض المواقف تبيض وجه فاعلها
واحذر تسارع على الهرجه وتغتاضي
ودعوة تعداك لا تشرح بفايلها
عندك خبر بالعلوم اطوال واعراضي
ما تنقضي الحاجة اللي ما تقوم لها
وافطن لوقت ٍ رمى راعيه بالحاظي
دنيا لشروى الفهد تنصب حبايلها
الوقت هو الوقت والافراض الافراضي
هذي نجوم السما وهذي منازلها
ما به تبدل ومد البحر ما فاضي
تبدل انه الضماير من يحللها
لو تنصف الناس ما نحتاج للقاضي
تلقى المحاكم خفيفات ٍ مشاكلها
ولو ما الغنايم تجي وهبات واحظاظي
كان اكثر اللي تشوفه ما يحصلها
ومن راقب الخلق يكسب هم بالفاضي
كل ٍ هدومه على قده يفصلها
والختم اصلي عدد ما بارق ٍ ناضي
على نبي ٍ بدا السنة وكملها

للشاعر سليمان الهويدي رحمه الله

ولو ما الغنايم تجي وهبات واحظاظي
كان اكثر اللي تشوفه ما يحصلها
ومن راقب الخلق يكسب هم بالفاضي
كل ٍ هدومه على قده يفصلها


الله يرحم الشاعر سليمان الهويدي وسلمت يمينك ياابو معاذ على جميل طرحك.
تحياتي واحترامي لك.

يا صالح البحث خله واترك الماضي
عوج الليالي عسى ربك يعدلها
لا تتبع النفس ترث فيك الأمراضي
وادع الحواسيس عنك لا تخيلها
تحيااتي لك ابو معاذ

ومن راقب الخلق يكسب هم بالفاضي
كل ٍ هدومه على قده يفصلها

رحم الله الشاعر الكبير / سليمان الهويدي
أبو معاذ كل الشكر لك على الأختيار الرائع

لوتنصف الناس مانحتاج للقاضي -- تلقى المحاكم خفيفاتٍ مشاكلها

ديوان الشاعر المرحوم سليمان الهويدي( رسم الكلام ) صفحه ( 246 )

تسلم اخي ابومعاذ -----------

مشكوووووور والله يعطيك الف عافيه
والله يرحم الشاعر الكبير الهويدي
تحياتي لك

ومن راقب الخلق يكسب هم بالفاضي
كل ٍ هدومه على قده يفصلها
والختم اصلي عدد ما بارق ٍ ناضي
على نبي ٍ بدا السنة وكملها

قصيده جزله راقت لي

في انتظار جديدك بشوق

أختيار أكثر من الرااائع
أبو معاذ ، كل الشكر لك من كل قلبي على هذا الأختيار...
وبنتظـار جديدك على خير