موسى بن عمران يرثا كل من ماجد عياش وفلاح نابت وسطام

هذه القصيده قالها موسى بن عمران الرشيدي

يرثا كل من ماجد بن عياش وفلاح نابت وسطام عايد رحمهم الله جميعاً

العين بالعبره تذارف ادموعها
غصبٍ غشاها الدّمع ماهو بطوعها

جاها خبرمحزن وجادت بدمعها
والروح ضمّت حزنها في ضلوعها

اعيوننا تدمع وتحزن اقلوبنا
ونصبرعلى الصّدمه من أول وقوعها

من هادم اللذات ماينفع الحذر
ولاينفع الروس الحصينه دروعها

كل النفوس القابض الروح ذايقه
وتلقا جزاهاعند ساعة نزوعها

الأجل مكتوبٍ والارواح رايحه
للي خلقها بالنهايه رجوعها

الموت واحد والسبايب تعددت
أسبابها للموت ياكثرنوعها

من عاش فوق الارض يرجع البطنها
تحت الثرى جسمه تضمّه اصدوعها

تبقاله أعماله والآثارماحيه
ماكن عاش ولامشا في ربوعها
ّ
دارالزوال وماعلى الدارزايل
دنيا الفنا دايم تقلّب اطبوعها

مافيه حيٍّ ماشكامن مصابها
متجرّع منهامرارة افجوعها

بادت سلاطينٍ تعلّت عروشهم
تفرّقت عقب المعزّه اجموعها

يقولها من قام يرثا جماعته
والنفس يحزنها تفرّق اربوعها

من شجرةٍبالطيب طابت وطيبها
بعروقهاواصولهامع افروعها

رويضات بالفزعات يفرح قريبهم
اليادارت الهيجا وقلّت افزوعها

على طريق الحق راحو ثلاثه
في وقت واحدقبل يكمل اسبوعها

راحو مع امواتٍ تقافت رحالهم
مع جادةٍ معها تلاحق انجوعها

مرحوم ياشيخٍ كريمٍ امدته
يوم السنين اللي على الناس جوعها

ماجدولدعياش بالجود والكرم
من يوم شمسه مشرقه في طلوعها

وفلاح بن نابت عزيزه مجاذبه
مجذب حرارٍ ماخلطهااتبوعها

بالطيب والمعروف وارياه صايبه
الياعميت ألاريا وغابت اسنوعها

وسطام ابن عايدعسى الله يرحمه
ندعي له الله بالصلاه وخشوعها

يارب يارحمن ياسامع الدعاء
تجيرهم من حر نارك وروعها

رحمهم الله جميعآ واسكنهم فسيح جناته.
وصح لسان الشاعر موسى عمران.
ولاهنت اخوي احمد على النقل.

يستحق التثبيت
وينقل لقسم واحة شعراء سلايل عبس.

يارب يارحمن ياسامع الدعاء
تجيرهم من حر نارك وروعها

رحمهم الله جميعاً وأسكنهم فسيح جناته
صح اللسان الشاعر الكبير العم / موسى بن عمرآن الرشيدي
لاهنت أخوي أحمد الرشيدي على النقل

رحمهم الله جميعآ واسكنهم فسيح جناته.
وصح لسان الشاعر موسى عمران.
ولاهنت اخوي احمد على النقل.

صح لسان الشاعرموسى عمران جزالله خير
والله يرحم الجميع ويسكن الشيخ ماجدوسطام وبن نابت الجنه

يارب يارحمن ياسامع الدعاء
تجيرهم من حر نارك وروعها

رحمهم الله جميعاً وأسكنهم فسيح جناته
وصح اللسان الشاعر الكبير العم / موسى بن عمرآن الرشيدي
ولاهنت أخوي أحمد الرشيدي على النقل

إنا لله وإنا إليه راجعـــون


نسأل الله لهم المغفرة والرحمة

رحمهم الله جميعاً وأسكنهم فسيح جناته
صح اللسان الشاعر الكبير العم / موسى بن عمرآن الرشيدي
لاهنت أخوي أحمد الرشيدي على النقل