طيبن موكد يا لخضيري بالافعال

قصدة مهداه لقبيلة الخضره من بني رشيد بمناسبة تخرج ابنهم الدكتور داوود سليمان الخضيري وفقه الله في حياته العمليه

سلام يحوي طيبات السجايا=في حفلت الدكتور ياطيب الفال
وللي لفوبه من جميع النحايا= اصحابنا واخواننا بكل الاحوال
بين النشاما طيبين النوايا= يامرحبا ترحيبت (ن) تشرح البال
باسم الرجال اللي تفك السرايا=اقولها واثني تراحيب الابطال
ابناء الخضيري مكثرين التحايا=درع الدخيل اللي عليه الدهر مال
ماكنه الافي اجبال (ن) علايا = الى وصلهم فك للراحه احبال
درع الخوي دونه يجونك فدايا=ماكنه الابينهم صاحب اجلال
والله منهم ماتجك الخطايا= صدقان لاصاحب وعدوان الانذال
ايه افتخر وشوش واعطي هدايا=تجتاحني فرحه على نوع مؤال
يجتاحني حب الكرام البرايا=طغى غلاهم فوق ثروات الاموال
الكم مكانه بالضلوع الحنايا=يزود يامفلح تقل وبل همال
ماهو جدبد من السنين المدايا=من عنتر العبسي غلاكم ولازال
مداتكم تذكر كبار العطايا=رجالكم الى نتخى للحمل شال
هقواتكم كبر الجبال انبايا=طيب (ن) موكد يالخضيري بالافعال
فيكم طناخت طيب ماهي حكايا=نظراتكم للعلم قدام لوطال
مثل الجبال الراسيات العلايا=ناس (ن) لكم في بصمت الطيب مدخال
افعالكم ماهي علينا خفايا=الكم مكانه بين وافين الاخصال
يوم الخيول ويوم جيش السرايا=افعالكم تضربها جل الامثال
والطيب من اهل الطيب تلقى بقايا= تلقى رجال (ن) ورثت طيبها اجيال
بالطيب وارحمه اقلوب (ن) ملايا=يامن لكم في قمت الطيب منزال

صح السااااااانك يامفلح النمش قصيده رائعه
تحياتي لك واحترامي

صح لسااانك وعتلاء شااانك على هذه الابيات الجزله وبيض الله وجهك

صح لسانك اخوي مفلح على القصيدهـ الرائعه والجزله
ويستاهل الدكتور داوود وابناء الخضيري هذا الاطراء الجميل
تحياتي لك وعلى ابداعك بالقصيدة.

صح لسانك يا الشاعر يستا بو نايف

الــــــكــــــم مــــكــــانــــه بـــالـــضـــلـــوع الـــحـــنـــايـــا

يـــــــــزود يــامــفــلـــح تــــقـــــل وبــــــــــل هـــــمـــــال

مـــاهــــو جـــدبــــد مـــــــن الـســنــيــن الــمـــدايـــا

مـــــــن عــنـــتـــر الــعــبــســي غــــلاكــــم ولازال

اابدعت بما ااخترت ولاهي غريبه عليك الابداع




ياأبن نميــــــــــــــــش

تحياتى لك

صح السااااااانك يامفلح النمش قصيده رائعه
تحياتي لك واحترامي

أنا أشهد إنهم يستاهلون ، وبيض الله وجهك يا ابن نميش دائماً علمك غانم