عهد اللقا ..

هذي القصيده بقلمي اتمنى ان تعجبكم أخآيل في الأفق ســرب الأماني وانتظــر بشراك والملم هالمسا وأشعل من أعــواد السهـــر صبحك أنا اللي من تذكرتك عرفت أني عجــزت أنســاك وانا اللي لو تناسيــتك تذكــــــر خافقي رمحــك على شــرفة غيابك جيت أبفتح نافــذة ذكــــراك لقيت الصبر متلحّــــف خـَطاك ومفترش جـــرحك أنا اللي ما عرفت من الكلام إلا أعشقــك وأهواك وانا اللي ماعرفـــت الحزن إلا من قســى فرحك وانا اللي يوم قررت أنتهيك أحتــرت كيف أبــداك تخيرت البكى لجلك ، لأني ماعــرفت أضحــك ! أنقّب عن مآثر دمعتي في حســــرتي و اللقـاك .. غيوم

ماشاء الله بداية موفقة ، وأبيات رائعة

ننتظر جديدك ياغيوم الشووق

مااااااااشاءالله رهيبه غيووووم
دمتي وداااااام ابدعك
ننتظر جديدك

ابداع ياالشاعرهـ غيوم بهذهـ القصيدهـ الرائعه.
وننتظر جديدكِ بكل شوق
تقبلي تحياتي لكِ.

أنا اللي من تذكرتك عرفت أني عجــزت أنســاك
وانا اللي لو تناسيــتك تذكــــــر خافقي رمحــك
صح لسانك ابيات عذبه وبدايه مشرفه
تقديري لك*

أعجبتني معزوفتك الموسيقية ؛ وطربت لإيقاعها وترانيمة

كلك ذوق ؛ تستاهل 5نجمات مضيئة

ابداع منقطع النظير فلايوجد في مخزون المبدوعون الا كل ماهو فريد
خاطرة تحمل بطياتها عزف رااائع دمتي ودام ابداعك تحياتي لك

اشكر حضوركم
وهدهدت ثنائكم
اني فرحه بتواجدكم
واطلالتكم الرائعه
حدائق الياسمين لارواحكم