هذه القصيده مهداه/ للشيخ رديني الخنفور الرشيدي

سلام ياراع الشعل سلام يافخر الرجال = اللي طلع صيته بنجد وفي محله باالكويت
من روس قوم سطر التاريخ ماضيهم وقال= قال انهم ساس الفخر والعز لامنك نصيت
عجارمه يوم المعارك يوم صولات القتال = احزام ينشد الظهر فيهم اليا منك غزيت
شيوخ قوم فعلها راسي كما ترس الجبال = اليا هقيت الطيب فيهم وانت في ظنك هقيت
تلقى الدلال اللي تقدمها مطانيخ العيال = والعود الازرق والكرم عاده لهم في كل بيت
ابطال عبس اللي لها تاريخ من ماض اليال = ربعن على الفزعات تلقهم اليا منك بليت
كلام موثق ولا جبناه من سرد الخيال = تاريخهم يحكي بنص الكتب لامنك قريت
و رديني الخنفور منهم مايبي قيل وقال = خيال شعل باالمزاين دام بالاول نويت
شعل اليا ناظرتهن تقول لله الكمال = موارث الاجداد ماجنه بكلمة وش شريت
تمجيدكم بالشعر حق مانجيب الا الجزال = في مدحكم ياللي على العليا تكابر ماانثنيت
الشعر في مدح الكفو يزين لاجاله مجال = والا الردي ياتي ويمشي وانت ماعنه دريت
والعد مايروى منه لاصار ماتاجد حبال = تروح ضامي وانت للجمه تشوف ولارتويت
والحبل لامنه تراخى فوق دايرة المحال = على السواني ماتوردك العدود اليا ضميت
وحنا دعانا حمود لزيارتك يواف الخصال = ونلبي الدعوة يابن خنفور لامنك دعيت
وتمت بذكر اللي رقيب فوق خلقه مايزال = الواحد الفرد الصمد في عظمته يحيي او يميت

الشاعر/ حامد سعود الحنيفان العويمري

ماشاءالله صح لساااااانك الشاعر حامد العويمري


قصيده راااااائعه في مدح شيخ من شيوخ
الرشايده

يستاااااااهل الشيخ/ رديني الرشيدي

متابعه لك....ننتظر جديدك اخوي حامد

يستاهل المدح من حصله

وصح السانك يابن حنيفان

صح لسانك اخوي حامد على القصيده الجزله
ويستاهل الشيخ رديني هذا المدح
تحياتي للجميع

الشـعـر فــي مــدح الكـفـو يـزيــن لاجـالــه مـجــال

والا الـردي ياتـي ويمشـي وانــت ماعـنـه دريــت

ابيات جميله ويستاهل رديني

يعطيك العافيه يابن حنيفان

صح لسآنك...ابدعت ويعطيك العافيه..

صح لسانك اخوي حامد على القصيده الجزله...,
ويستاهل الشيخ رديني هذا المدح ....,
ننتظر جديدك ....$

صح لسانك واعتلا شانك يابن حنيفان

شاعر جزل