عزتي من ماله أصحاب وقفه واصدقا

وش بقالي من دروب الحياة ووش بقى
من دروس العمر يازين ودروس الحياة
من حداه الوقت واقفى زمانه مالقى
غير عمرن شاحبن وجهه ومعطي قفاه
ماله علاجن يسكّن جروح ولا وقا
ولا له دروبن توديه لا طوق النجاه
كل مازانت لياليه واصبح في تقى*
حظه يسوقه وتمشي به الخطوة وراه
عزتي من ماله أصحاب وقفه واصدقا
يفرحون بطيبه ويدمحونه في رداه
حل طاريك وتمنّيت ياحْياة الشقا
أحدي أشواقي وأغنّي على طرق الحداه
ماسقاني غيثك مْن السّحاب ولا سقى
عشق مجنون المتّيم على ليلى ضماه
لو ضميري يعترف بالهقاوي ويهقى
كان طابت علّته واكتشفنا له دواه
جيت يمّك مابقى لي حظوظ ولا بقى
غير عمرن شاحبن وجهه ومعطي قفاه

££

عثمان البراك ( أبو ياسر )

ماسقاني غيثك مْن السّحاب ولا سقى
عشق مجنون المتّيم على ليلى ضماه

ابن حوقااان أشكرك على الإنتقاااء الجميل لقصيدة تحمل في طيااااتهاااااا الكثير من المعاااني الراااائعه ..

صح لسان الشاعر ابو ياسر على القصيدهـ الرائعه
واحسنت الاختيار ياابن حوقان لهذا الشاعر المميز
تحياتي لكم*

صح لسان ابو ياسر القصيدة الجميلة

مشكو ر ابن حوقان على الاختيار الرئع

لاهنت اخي ابن حوقان روووعه هالابيات

لو ضميري يعترف بالهقاوي ويهقى
كان طابت علّته واكتشفنا له دواه
تتحفنا دائما بكل ما هو راقي ومميز
تقديري واحترامي لك*