كفنو جسمه بقبرن وسط حآيل ... !!

مرثية خالد
كلمات الشاعرة / حكاية أرق
أداء المنشد / أحمد الرشيدي
..


حسب ما ذكر عن المرثية ..
الشاعره حكاية أرق .. ترثي خالد . .
جمعتهم الصدف ، وارادوا ان يلتقوا بالحلال
لكن العادات القبليه منعتهم من ذلك بسبب
عدم توافق القبيله ! . حتى وافته المنيه ..
نسأل الله ان يغفر له ويرحمه ..


كلمات الشيله



مايغيث الدمع او بدع الجزايل
خص لامن احتياجه يعتريني


راح منهو يسوى بعيوني قبايل
وش عزاي الا دعاي ودمع عيني


كفنو جسمه بقبرن وسط حايل
مادرو وان غاب ساكن في كنيني


عالت ظروفه علينا وألف حايل
وكان حلمي قبلها يمسك يديني


مابقى غير الصور فيها اخايل
وذكرياتن مع وصايا تحتريني


والمواقف والمصايب والرسايل
وغيرتي منهن عليه بكل حيني


يوم كنت البايعه لارض وحمايل
باع ربعه يوم وعده يشتريني


جاو بالحيله وفي شتى الوسايل
ورغم ماسوو على شاني يجيني


وين ابلقى له من اشباه ومثايل
يجبر الله لي مصابي في ضنيني


من بعد عينه ارى كل شي مايل
عظم الله اجري فباقي سنيني


ياعرب والشك في هالحب زايل
مات ابيه وعارفين انه يبيني


مآت اصلآ خآطره مآكآن شآيل
غيره حآجه حبهآ بينه وبيني


والله ان يبطي وهو بالصدر صايل
وجايلن في خاطري من قبل عيني


ماني محتاجه على صدقي دلايل
اسأل الله هم فقده مايغزيني


وماعلي من هرج عاذل قول قايل
هو موصيكم وهالله هالله فيني


لو يفيد الدمع او بدع الجزايل
ماشكيت الضيم من صالي حنيني



للتحميل
هنا

سلاف
اتيت لاقف بين سطوركِ
اتيت لامتع عيني
بعذب البوح وجميل الكلام
اتيت وقد شدني النور المنبعث
من هنا
وما ان صافحت عيناي حضوركِ المعطره
حتى صمت كل شيء
اجلالا واحتراما وتوقيرا لكلماتكِ الراقية
حروفكِ عندما تصافـح شرفـات البـوح ...
تتـسـاقـط ابــداعـا وشــهــدا..
وتتغنى السطور كشدو العصافير

شكراً لك على هذا الاختيار .

والله ان يبطي وهو بالصدر صايل
وجايلن في خاطري من قبل عيني

أختيار جميل لقصيده تحكي عن معاناه .

شكراً على النقل .

راقت لي يامبدعه ،،،، متميزهـ دائمآ ياسلاف
تحياتي لكِ

الله يعين
لاهنتِ سوسو

لآهنتي ع آلنققل آلرآئع

تحيآتي لج سسوسو

الله يعطيك العافيه
تقديري لك*