من جد جده لين ياصل شقاما

اليا قلت الفزعة وكثر(ن) الاعذار =وضاعت علوم مكثرين الكلاما
انص الرجال اللي لهم بالفخر دار=اللي الياقامو يهون المقاما
يذري ذارهم شمخ الرؤس الأخيار =الياجف بير المضميات الحياما
عدٍ(ن) روى مهو ضحاضيح قطّار= ينشيء عليه المجد سحب الغماما
يجودمن جود المكارم الياصار=وقفة وفاء تثني عليه الكراما
في ساعة فيها يطولنّ الاْشبار =ويقصربها شبرالضعيف الهلاما
يبين بالشدات زيزوم مغوار= اْسمه محمد والاْسامي تساما
محمد العايد ولد نسل الاحرار=من جد جده لين ياصل شقاما
مال الردى فيهم ملاميح واْذكار =يوم النخاوي والقبائل تحاما
ويوم المواقف والمعرفه والاْنصار=وهو من اللي يكربون الحزاما
دون السموه ياقف الموقف البار=ولا للنشاما غير ريف النشاما
في ساعة يعبا لها كل مقدار =ويقلط عقيد القوم راع الجهاما
يحل فيها العقد ويبت الاشوار = ويلبس لمقدام الصعايب وساما
ماخسر به من يعتزيه ولاحتار=من راح يمه مايعض البهاما
للنور ضوح ولاْزرق الجم مصدار = وللقول فعل وللدلايل ختاما
من شاعرا هجسه يعبر الياثار =عج القرائح فارجات الزحاما
عبرت مواجهت بالموقف السار=موقف فخر مني عليه السلاما

الشاعر مفلح الخضيري