الرياحي والسناني

#1 10-17-2007, 12:46 AM

--------------------------------------------------------------------------------

بسم الله الرحمن الرحيم

السلام عليكم ورحمة الله وبركاته

إستمتعوا مع هذا الأبداع

_______________________________

السناني

يالرياحي مابقى ضحك سن وهز رؤوس{1}دنت الساعه وكلاً سمع دناتها

وش تحرى بعد قلع الثنايا والضروس{2}إنزل الميدان وإللي برأسك هاتها

الرياحي

يالسناني كل واحد يدورله عروس{1}ماتزين الحاجه إلا على حزاتها

قرّب إذنك وإفهم الدرس والدنيا دروس{2}وإحتزم والطايره ولعت لنباتها

السناني

أشهد إن الطيبه تندفع فيها الفلوس{1}مير رؤوس القوم ماأحدٍ كسب مرضاتها

باقيٍ عشرين ساعه على اليوم العبوس{2}يمكن أحيا الناس تبغى تزور أمواتها

الرياحي

لاتحسف والله أنجاك من حرب البسوس{1}صلت أمك وإدعت والسبب دعواتها

مابقي إلايوم يومين وتطيب النفوس{2}ثم أذكيها وأسمي على مذكاتها

السناني

المراجل ياأجودي حد سيف وحد موس{1}وأنت تعجبك الرياجيل في ضحكاتها

لاتلبس غير لبسك يابوبندرلبوس{2}السباع الشهب تأكلك في نظراتها

الرياحي

ياطويل العمر ماني بزوارالرموس{1}والعجوزالميته فوقها مسحاتها

العلوم مسنعه لاتحوس ولاتدوس{2}ماعليك من البقروالغنم ورعاتها

السناني

يالرياحي لويجف الحليب من الديوس{1}القلوب السود ماغيرت نياتها